პოლიტიკური მარკეტის სეგმენტები რომლებთანაც პოლიტიკოსებმა უნდა დაამყარონ მომგებიანი ურთიერთობა

 პოლიტიკური მარკეტინგის მენეჯმენტი უფრო მეტია, ვიდრე უბრალოდ საარჩევნო კამპანიის მართვა და ურთიერთობების დამყარება პოლიტიკურ პარტიებსა და ამომრჩევლებს შორის. მარკეტინგის ინსტრუმენტები მოიცავენ ყველა საჭირო საბაზრო ურთიერთობებს სხვადასხვა სეგმენტებთან.
პოლიტიკური პარტიის ელექტორატთან ურთიერთობისას იკვეთება საარჩევნო პოლიტიკის სამი სეგმენტი: საარჩევნო მარკეტი, სახელმწიფო მარკეტი და პოლიტიკური აქტივიზმის მარკეტი. გაითვალისწინეთ, რომ სამივე სეგმენტი ერთმანეთთანაა დაკავშირებული.

იმისათვის რომ შეიქმნას სამომხმარებლო ბრენდი საჭიროა გვქონდეს პროდუქტი რომლის პოზიციონირება უნდა მოხდეს სამიზნე აუდიტორიის მიმართ.
პოლიტიკურ არენაზე პროდუქტი არის პარტია და მისი ხალხი, ხოლო სამიზნე ჯგუფი არის ამ პარტიის ფაქტიური და პოტენციური ელექტორატი.
მარკეტინგის ხაზით მთავარი განმასხვავებელი პოლიტიკასა და ბიზნეს ბაზარს შორის შემდეგში მდგომარეობს – კორპორაციულ ბაზარზე არსებობს ნიშეს მცნება, რომელიც არის დიდი კორპორაციების მიერ შეუვსებელი მცირე სეგმენტი, რომელიც მცირე კორპორაციებისათვისაც საინტერესოდ გამოიყურება. პოლიტიკაში ნიშე მარკეტინგის მცნება არ არსებობს და შესაბამისად არც ნიშე ბრენდინგია გამართლებული.
აშშ-ში ნიუ-იორკის უნივერსიტეტში 2009 წელს პროფესორების ლავერისა და სილპერჰოდის გამოქვეყნებულ სტატიაში “პოლიტიკური პარტიის დაბადება და სიკვდილი” (“The Birth and Death of Political Parties” – by LIchael Laver and Michael Silperhood) გამოთქმულია აზრი, “უმეტესობა ხალხისა პოლიტიკაზე საუბრის დროს სწრაფად ან მოგვიანებით გადადიან იმაზე თუ როგორია “პოზიცია” პოლიტიკის აქტიორებისა, შესაბამისად ძნელია გვქონდეს რეალური დისკუსია პოლიტიკის შესახებ თუ არ მოვიხსენიებთ თუ სად დგანან მთავარი აქტიორები და მნიშვნელოვან საკითხებზე რა აზრისა არიან ისინი”.
შესაბამისად ისევ წინა პლანზე მოდის პოლიტიკური პარტიების ბრენდინგისა და მისი სწორად პოზიციონირების საკითხი.
პოლიტიკური გამარჯვებისათვის საჭიროა ძალიან ძლიერი ბრენდის შექმნა. პოლიტიკური მარკეტინგის ერთ-ერთი სპეციალისტის ლავერის აზრით “პოლიტიკური ბრენდის შექმნა მრავალი მიზეზის გამო გაცილებით უფრო ძნელია ვიდრე სამომხმარებლო ბრენდისა”.
რა არის ბრენდინგის სირთულე პოლიტიკურ მარკეტინგში?
[...]

შეისწავლეთ მიზნობრივი მარკეტინგი ჯანმრთელობის დაზღვევის კუთხით და უკეთ გამოიყენეთ მოლაპარაკე სარეკლამო აბრა